20 сентябрь куни “Ўзтўқимачиликсаноат” уюшмасида дунёнинг етакчи илғор ечимларни етказиб берувчи Itema Group Президенти Уго Гиларди билан музокаралар ўтказилди.

Италиянинг Itema Group дунёнинг йирик тўқимачилик ускуна ишлаб чиқарувчи компанияларидан бири сифатида ўз маҳсулотларини 100 ортиқ давлатларга экспорт қилади. 2022 йилнинг якунларларига кўра компаниянинг даромади 306 млн АҚШ долларни ташкил этди.

Жорий йилда Давлат Раҳбарининг Италияга ташрифи натижасида Ўзбекистонда келиб ўзбек тўқимачилиги ривожи билан танишиши хорижий ҳамкор томонидан алоҳида эътироф этилди ва унинг кейинги тараққиёти учун юқори қўшилган қийматли тайёр маҳсулотлар, жумладан, мато ва техник мато ускуналарини Ўзбекистонда ишлаб чиқариш зарурлиги таъкидланди.

Бу борада тўқув ускуналари ва бутловчи қисмларини ишлаб чиқариш лойиҳаларини Ўзбекистонга релокация қилиш, инновацион технологияларни жалб этиш, компания хизмат кўрсатиш маркази ва ваколатхоналарини очиш, ўзбек мутахассисларини малакасини ошириш каби масалалар батафсил сухбатлашилди.

Музокаралар якунида тез кунларда маркетинг тадқиқотларини ўтказиш учун Италиядан Ўзбекистонга мутахассислар юборилишига келишиб олинди.